Ipinagdiriwang ngayong Nobyembre ang Pambansang Buwan ng Pagbabasa o National Reading Month.

Kaugnay nito, nanawagan ang Malakanyang sa publiko na muling buhayin ang interes ng mga bata sa pagbabasa ng mga libro.

Ito'y sa gitna ng hindi na maawat na pagsulong ng teknolohiya na kinahihiligan ngayon ng maraming kabataan.

Ayon kay Presidential Spokesperson Abigail Valte, kailangang pangunahan ng mga magulang at guardians ang panghihikayat sa mga bata na magbasa at ito'y magagawa sa pamamagitan ng pagbabasa sa kanila ng mga kwentong pambata.