Nagpalabas si Pangulong Benigno "Noynoy" Aquino III ng panuntunan kaugnay ng pagsususpinde ng klase sa mga pampubliko at pribadong paaralan maging sa pasok sa mga opisina ng gobyerno kung may bagyo o kalamidad.

Sa ipinalabas na Executive Order 66, kanselado ang klase sa pre-school, public at private kapag signal number 1 sa mga apektadong lugar.

Pre-school hanggang high school naman ang otomatikong walang pasok kapag signal number 2 at kapag signal number 3, kanselado ang klase mula pre-school hanggang kolehiyo pati graduate school at pasok sa mga tanggapan ng gobyerno.

Base na rin sa utos ng Pangulo, hindi dapat lalampas sa alas 4:30 ng madaling araw o alas 11:00 ng umaga ang pag-anunsyo ng kanselasyon o suspensyon ng mga klase at trabaho. Report from ABS-CBN News