Ipinapayo ng Department of Foreign Affairs (DFA) sa mga first time kukuha ng pasaporte na ihanda na ang lahat ng mga kakailanganing dokumento para mas mapadali ang aplikasyon.

Sa araw ng inyong appointment sa DFA, mainam na i-photocopy ang mga dokumento at mga identification card (ID) tulad ng:

·     NSO Birth Certificate
·     nasagutang  application form.
·     orihinal na ID na may bisa pa o orihinal na pangsuportang dokumento na naglalaman ng buong pangalan, petsa at lugar ng kapanganakan at pagka-Pilipino.

Upang makasiguro, maaari ring dalhin ang mga sumusunod na dokumento:

·     Marriage Contract
·     Land Title
·     Driver's License
·     Government Service Record
·     School Form 137 o Transcript of Records na may dry seal
·     Iba pang dokumentong nagpapakita ng buong pangalan, detalye ng kapanganakan ng aplikante kung may detalye ng pagkapilipino ay mas mabuti
·     Voter's Registration Record na galing sa COMELEC Intramuros
·     Baptismal Certificate na may dry seal
·     Seaman's Book
·     Income Tax Return (Luma)
·     NBI Clearance

Para sa karagdagang dokumentong maaaring kailanganin lalo na kung may asawa o menor de edad, magtungo lamang sa www.dfa.gov.ph