• Mga tiwali at mabuting kawani ng MMDA, puwede nang ireport sa website

    By Erik Tenedero, dzmm.com.ph | 11:13 PM 09/22/2012
  • image
    "Inilunsad ng Metro Manila Development Authority (MMDA) ang isang bagong website kung saan maaaring ireport ang mga reklamo sa mga tiwali gayundin ang papuri para n"

    Inilunsad ng Metro Manila Development Authority (MMDA) ang isang bagong website kung saan maaaring ireport ang mga reklamo sa mga tiwali gayundin ang papuri para naman sa mabubuting traffic enforcers at iba pang kawani ng ahensya.

    Layunin ng programang "Metro Solusyon" ng MMDA na hikayatin ang mga mamamayan na makiisa sa paghahanap ng solusyon sa mga problema sa Kamaynilaan gaya ng korapsyon, public safety at kalinisan.

    "MMDA's mission through this website is to help eradicate corruption in the streets of Metro Manila by encouraging & strengthening citizen participation," ayon sa MMDA.

    Para sa may mga reklamo, kailangang sundin ang step-by-step na proseso at ibigay ang mga kinakailangang impormasyon gaya ng mga sumusunod:

    -Buong pangalan ng inirereklamo
    -Salaysay ng nangyaring insidente
    -Mga batas na nilabag
    -Maaari ring maglagay ng mga larawan at video

    Pero bukod sa mga reklamo, hinihimok din ng MMDA na ireport sa kanila ang mga mabubuting kawani.

    Anila, layunin nitong mahikayat ang mga kawani ng MMDA na gawin ng wasto ang kanilang mga trabaho sa ikaaayos na rin ng mga lansangan ng Metro Manila.

    "Help us motivate/inspire the men & women behind the MMDA by reporting encounters with honest, praiseworthy MMDA employees for government employees to emulate."





TOP NEWS
  • NATIONAL Ikaw Na Ba: Panayam kay Chiz Escudero (Ikalawang Bahagi) February 06, 2016 16:59:48 »
  • METRO Peace caravan sa pagpasa ng BBL, umarangkada na January 19, 2016 11:50:55 »
  • ENTERTAINMENT Erik Matti, balak magpa-audition sa gaganap na ‘Darna’ January 16, 2016 16:09:00 »
  • SPORTS Dos Mil Kinse: Balitang palakasan December 31, 2015 00:21:54 »
  • REGION 2 pang nasawi sa Tagaytay car crash, kilala na January 19, 2016 12:25:47 »
  • WORLD 7 patay sa Indonesia attack; atake, inako ng ISIS January 15, 2016 11:20:18 »
  • GOOD NEWS Panibagong tapyas-presyo sa langis, ipatutupad January 18, 2016 13:58:22 »