Dumayo ang DZMM Teaching, Learning, Caring (TLC) sa covered court ng Barangay San Jose, Rodriguez, Rizal para magbigay ng tulong-medikal at iba pang libreng serbisyo sa mga residente doon.

Kasama ng DZMM TLC ang mga volunteer doctor ng Caloocan Filipino-Chinese Charity Clinic, gayundin ang ABS-CBN Integrated Public Service at iba pang sponsors.

Dinagsa ang medical mission ng DZMM TLC at naging mahaba ang pila ng mga nagpapatingin ng sakit sa balat, nagpapacheck-up ng blood pressure at iba pang sakit.

Bukod sa medical mission, may classroom-on-wheels din ang DZMM TLC na nagpa-unlak ng storytelling at educational film showing para sa mga bata. Report from Dennis Datu, Radyo Patrol 42