• Pinakamatandang tao sa buong mundo, pumanaw na sa edad na 116

    By dzmm.com.ph | 12:38 PM 06/12/2013
  • image
    "Namatay na ang itinuturing na pinakamatandang tao sa buong mundo sa edad na 116."

    Namatay na ang itinuturing na pinakamatandang tao sa buong mundo sa edad na 116.

    Mula sa ulat ng Kyodo News, binawian ng buhay sa ospital si Jiroemon Kimura, Miyerkules ng umaga.

    Ipinanganak noong 1897 si Kimura sa Kyotango, Kyoto Prefecture.

    Kinilala siya ng Guinness World Records bilang world's oldest living person noong Disyembre 2012 nang mamatay ang isang babaeng taga-Amerika sa edad na 115.

    Sa ika-28 ng kaparehong buwan ay idineklara rin siyang oldest man sa edad na 115 years at 253 days.

    Nagdaos pa ng ika-116 taong kaarawan si Kimura noong Abril kung saan nakatanggap pa siya ng isang pre-recorded video greeting mula sa Prime Minister ng Japan na si Shinzo Abe.

    Nagkaroon ng pitong anak si Jiroemon, 14 na mga apo, 25 apo sa tuhod at 14 na mga apo sa talampakan.

    Nagtrabaho siya sa isang post office sa loob ng 40 taon at matapos magretiro ay itinuon ang pansin sa pagsasaka na ipinagpatuloy niya hanggang sa edad na 90.

    Nagsagawa naman ng mga pag-aaral ang lokal na pamahalaan upang pag-aralan ang sikreto ni Kimura at ng 60,000 iba pang residente ng Kyotango na may edad 100 sa pagkakaroon ng mahabang buhay. Report and photo from Agence France-Presse





  • Most Recent
  • Most Discussed
TOP NEWS
  • NATIONAL Ikaw Na Ba: Panayam kay Chiz Escudero (Ikalawang Bahagi) February 06, 2016 16:59:48 »
  • METRO Peace caravan sa pagpasa ng BBL, umarangkada na January 19, 2016 11:50:55 »
  • ENTERTAINMENT Erik Matti, balak magpa-audition sa gaganap na ‘Darna’ January 16, 2016 16:09:00 »
  • SPORTS Dos Mil Kinse: Balitang palakasan December 31, 2015 00:21:54 »
  • REGION 2 pang nasawi sa Tagaytay car crash, kilala na January 19, 2016 12:25:47 »
  • WORLD 7 patay sa Indonesia attack; atake, inako ng ISIS January 15, 2016 11:20:18 »
  • GOOD NEWS Panibagong tapyas-presyo sa langis, ipatutupad January 18, 2016 13:58:22 »