Mahigit 130 preso ang nakatakas sa bilangguan sa northern Mexico.

Batay sa imbestigayon, dumaan sa tunnel na may habang 21-talampakan at may lawak na 4-talampakan ang mga bilanggo sa Coahuila State Prison sa Piedras Negras City.

Sinabi ni Coahuila Attorney General Homero Ramos Gloria na ang nasabing lagusan ay matagal ng nasa lugar at hindi maaaring gawin sa loob lamang ng isang araw.

Kaya ikinulong na ang director at dalawang empleyado ng bilangguan habang iniimbestigahan sa naganap na pagpuga sa hinalang posibleng kasabwat ang mga ito.

Narekober naman sa tunnel ang mga lubid at electric cables na pinaniniwalaang ginamit ng mga pugante.

Ginagalugad na ng federal police units at mga tropang Mexican ang mga lugar na puwedeng puntahan ng mga pugante habang nagpalabas na ang Coahuila State ng pabuyang aabot sa $15,000 o mahigit P600,000 para sa sinumang makapagbibigay ng impormasyon na magreresulta sa pagkakadakip ng mga nakatakas na preso. Report from Associated Press (photo courtesy from AFP)