Wala pang balak magretiro si boxing champ Manny "Pacman" Pacquiao pagkatapos ng laban niya kay Timothy Bradley sa Las Vegas sa Hunyo 9.

Sa presscon ng Pacquiao-Bradley fight, sinabi ni Pacquiao na may isa pa siyang laban bago magretiro.

"Definitely this is not my last fight. Maybe after this, one more and I'm going to think about retirement," pahayag ni Pacman.

Sinabi naman ng 28-anyos na super welterweight champion na si Bradley na handa na siyang pabagsakin si Pacquiao.

Aniya, "I feel absolutely ready for this point. Manny has had his time to shine now it's time for a new star to shine in the game."

Tiwala naman si Coach Freddie Roach na makatutulong ang pagiging relihiyoso ngayon ni Pacquiao sa kakailanganing disiplina para matalo ang isang determinadong boksingero gaya ni Bradley.

Mula LA, pupuntang New York ang dalawang boksingero para ilako ang kanilang nalalapit na laban. Report from Nadia Trinidad, ABS-CBN News