Pinayuko ng New York Knicks, sa pangunguna ni Jeremy Lin, ang kasalukuyang National Basketball Association (NBA) champion Dallas Mavericks, 104-97.

Panibagong record breaking hit ang pinakita ni Lin sa pakikipagsagupa sa Mavericks, matapos makagawa ng 28 points at 14 assists.

"Looking back, it's like I was watching them win the championship last year, and that's obviously where this team wants to go," ayon kay Lin.

Itinuturing si Lin na pinakabagong NBA star matapos sunod-sunod na buhatin ang Knicks sa 7-straight-win, gayundin ang pakikipagtapatan nito sa mga bigating players ng Los Angeles (LA) Lakers.

Umamin naman ang Mavericks player na si Dirk Nowitzki na inakala nilang kontrolado nila ang laban at hindi nila inaasahan ang buong tapang na pag-arangkada ng Knicks sa fourth quarter. Report from Associated Press