• PANAHON
    Manila, 32°C
    Partly cloudy
    • Baguio, 23°C
      Partly cloudy
    • Cebu City, 32°C
      Partly cloudy
  • Rotating brownout sa Mindanao, nagdudulot na ng panganib sa mga residente

    By dzmm.com.ph | 07:49 PM 04/18/2013

  • "Nagdudulot na ng panganib ang ipinatutupad na rotating brownout sa Mindanao dahil sa kakulangan ng suplay ng kuryente doon. "

    Nagdudulot na ng panganib ang ipinatutupad na rotating brownout sa Mindanao dahil sa kakulangan ng suplay ng kuryente doon.

    Sa General Santos City, patay ang 57-anyos na si Ignacio Sombrio matapos atakihin ng hika.

    Kailangan sana nitong gumamit ng nebulizer ngunit dahil sa brownout, hindi na ito naisalba pa at binawian na ng buhay.

    "Ilang beses naman siyang inatake pero basta may kuryente maaagapan tala 'yung hininga niya," ayon sa asawa nitong si Evelyn.

    Sa General Santos City pa rin, nakuhanan pa sa cellphone ang nasusunog na bahay dahil sa nag-overheat na flashlight na naka-charge para magamit kapag nag-brownout.

    Pero apela ni Energy Secretary Jericho Petilla sa mga taga-Mindanao, konting pasensiya pa dahil walang agarang solusyon sa problema sa kakulangan ng suplay ng kuryente sa rehiyon.

    Sa kalagitnaan pa ng Hunyo makakarating ang mga paupahang modular gensets samantalang sa mga kooperatibang bibili, sa Oktubre pa ito maitatayo.

    Kalagitnaan pa ng 2015 pinakamaagang matatapos ang mga itinatayong planta kaya posibleng matagalan pa ang problema sa kakulangan ng suplay ng kuryente sa Mindanao. Report from Alvin Elchico, ABS-CBN News





  • Most Recent
  • Most Discussed
TOP NEWS
  • NATIONAL PANOORIN: Huling bahagi ng West PH Sea docu ng Pilipinas July 07, 2015 00:30:04 »
  • METRO Motel sa Maynila, nasunog July 06, 2015 20:35:24 »
  • ENTERTAINMENT ABS-CBN, DZMM, umani ng parangal mula sa VACC July 03, 2015 22:02:04 »
  • SPORTS Michael Martinez, ikinuwento ang training sa Amerika June 28, 2015 08:52:30 »
  • REGION Piloto ng bumagsak na chopper sa Batangas, 'di nagpaalam sa CAAP July 06, 2015 20:01:35 »
  • WORLD 27 patay, higit 200 sugatan sa suicide bombing sa Kuwait June 27, 2015 10:21:54 »
  • GOOD NEWS Pinoy students, wagi sa 'Go Green in the City' contest sa Paris June 28, 2015 20:25:13 »