May mahigit 2,000 residente malapit sa bundok ng Isabela, Negros Occidental ang pinalilikas ng Mines and Geosciences Bureau (MGB) matapos makitaan ng malalaking bitak sa lugar.

Nadiskubre ng MGB ang naturang mga bitak t unti-unti na ring nahuhulog ang mga tipak ng bato sa lugar.

Nasa 200 bahay ang nanganganib tamaan ng rockslide sa paanan ng bundok.

Katabi lang ng Isabela ang bayan ng Guihulngan sa Negros Oriental, na lubhang tinamaan ng magnitude 6.9 na lindol noong Pebrero 6.

Agarang relokasyon ang inirerekomenda ng MGB sa mga apektadong residente, lalo't may mga aftershock pa ring naitatala sa lugar. Report from ABS-CBN News