Apat na bangkay ng magkakapamilya na biktima ng massacre ang natagpuan sa loob ng isang septic tank sa Cagayan de Oro City.

Batay sa imbestigasyon ng mga awtoridad, putol-putol ang mga pinagtatagang katawan ng mga biktima na pilit ipinasok sa septic tank.

Kinilala ang mga biktima na mag-asawang sina Christopher at Lea Lastimosa at kanilang mga menor de edad na anak na sina Christian at Atanley.

Hinihinala ng pulisya na may apat na araw nang patay ang mga biktima bago ito natagpuan kaninang tanghali sa Barangay Kalituan.

Nagtaka ang mga kaanak ng mga biktima dahil hindi na nakapasok ng eskwela ang mga bata kaya nagtungo sila sa bahay ng mga ito sa GSIS village at doon nadiskubre ang naganap na krimen.

Naabutan din ng mga kaanak ang suspek na si Arman Abuyin, kaibigan ni Christopher at pansamantalang naninirahan sa bahay ng mga biktima.

Narekober sa kanya ang itak at kutsilyong ginamit sa pagpatay.

Agad nagpatawag ng pulis ang mga kaanak at hinuli ang suspek.

Hinala ng mga awtoridad, lango sa droga itong suspek na si abuyin na nasa kustodiya na ngayon ng mga pulis. Report from Fred Dellava, DZMM Correspondent