Unti-unti nang inaalis ng Department of Agriculture (DA) ang kanilang mga food retailer outlet sa Negros Oriental.

Ayon kay Agriculture Secretary Proceso Alcala, bumabalik na sa normal ang presyuhan ng mga pangunahing bilihin doon.

Layon ng mga nasabing food retailer outlet na makapagbenta ng mga pangunahing bilihin sa murang halaga.

Ngayong linggo, aalisin na ang food caravan sa Tayasan, Jimalalud, Ayungon at La Libertad, habang sa susunod na linggo naman ay sa Guihulungan City, na siyang pinakamatinding nasalanta ng lindol.

Nauna rito, P5 milyong seed fund ang inilaan ng ahensya para magbigay ng ayuda sa mga retailer ng Central Visayas. Report from Zhander Cayabyab, Radyo Patrol