• PANAHON
    Manila, 32°C
    Partly cloudy
    • Baguio, 21°C
      Partly cloudy
    • Metro Cebu, 31°C
      Partly cloudy
  • Bahay ng Pangasinan mayor, hinagisan ng granada

    By dzmm.com.ph | 09:46 PM 05/05/2013
  • image
    "Isang hand grenade ang umano'y inihagis sa bahay ni Mayor Amadeo Gregorio "Bobom" Perez IV ng Urdaneta City, Pangasinan, Sabado ng madaling araw."

    Isang hand grenade ang umano'y inihagis sa bahay ni Mayor Amadeo Gregorio "Bobom" Perez IV ng Urdaneta City, Pangasinan, Sabado ng madaling araw.

    Sa inisyal na imbestigasyon, inakala ng security personnel ng alkalde na may aksidente sa harap ng bahay pasado alas-3:00 ng madaling araw kung kailan nakarinig siya ng tunog ng isang bagay na tumama sa lugar.

    Wala namang naganap na pagsabog at wala rin itong nakitang kakaiba.

    Pero pasado alas-6:00 ng umaga, isang granada ang nakita ng kasambahay ng alkalde sa harap ng pinto ng bahay.

    Dito na sila tumawag ng awtoridad at mga eksperto.

    Ayon sa mga pulis, posibleng pananakot at walang intensyong manakit ang naghagis ng depektibong granada.

    Walang katunggali si Perez sa Urdaneta pero sinisilip pa rin ng Commission on Elections (Comelec) kung politically motivated ang insidente.

    Iniimbestigahan din ngayon kung may kinalaman ito sa pagsabog ng granada sa bahay ng alkalde ng Bugallon sa pagdalaw ni Pangulong Noynoy Aquino, dalawang araw bago ang insidente.

    Tumanggi namang magsalita si Perez na noo'y nagdiriwang ng kaarawan. Report from ABS-CBN News





  • Most Recent
  • Most Discussed
TOP NEWS
  • NATIONAL Red rainfall warning, itinaas sa Metro Manila September 19, 2014 07:34:50 »
  • METRO Port congestion, di nagbago kahit wala nang truck ban sa Maynila September 18, 2014 21:55:41 »
  • ENTERTAINMENT Lea Salonga, magpe-perform sa ika-25 anibersaryo ng 'Miss Saigon' September 18, 2014 15:21:00 »
  • SPORTS Gilas Pilipinas, pinarangalan sa Kamara September 18, 2014 19:14:57 »
  • PAPAL VISIT 5 Bohol quake survivors, posibleng makasalo sa tanghalian ng Santo Papa September 17, 2014 12:57:56 »
  • REGION Binatilyong katutubo sa Palawan napagkamalang unggoy, binaril September 18, 2014 21:55:42 »
  • WORLD Guam, niyanig ng magnitude 6.7 na lindol September 17, 2014 18:30:49 »