Siyam na pulis mula sa Zamboanga del Sur Provincial Police Office Intelligence Section ang sinibak dahil sa pagiging escort ng Aman Futures Group Philippines Inc. na nasasangkot ngayon sa isang multi-million pyramiding scam.

Kabilang dito sina Quintin Pasanting, Dennis Ceno, Rey Chang, Leo Rey Soria, Martin Neil Patrick Lasaca, Roderick Luna, Rene Real, Reynaldo Bocayong at Mike Heres.

Kinumpirma ito ni P/Chief Supt. Napoleon Estilles kasabay ng anunsyong sinibak na din ang hepe ng Pagadian police na si P/Supt. Kenneth Mission matapos mabigong maglunsad ng imbestigasyon sa kaso ng Aman Futures sa kabila ng utos.

Samantala, bumuo na ng Task Force Aman ang Philippine National Police (PNP) Region 9 na magiging kaagapay ng National Bureau of Investigation (NBI) para mag-imbestiga, magsampa ng kaso, at mag-hunting sa mga suspek. Report from Edwin Sevidal, Radyo Patrol 37