• PANAHON
    Manila, 32°C
    Partly rainy
    • Baguio, 25°C
      Partly rainy
    • Cebu City, 31°C
      Partly stormy
  • Sec. Alcala, kumpiyansang maaabswelto sa plunder case

    By Bianca Antalan, dzmm.com.ph | 07:29 AM 10/03/2013
  • image
    "Kumpiyansa si Agriculture Secretary Proceso Alcala na maaabswelto siya sa kasong plunder na isinampa ng mga militante."

    Kumpiyansa si Department of Agriculture (DA) Secretary Proceso Alcala na maaabswelto siya at kanyang mga kasamahan sa kasong plunder na isinampa ng Kilusang Magbubukid ng Pilipinas (KMP).

    Sa panayam ng DZMM, sinabi ng kalihim na bagama't hindi pa niya natatanggap ang kopya ng kaso ay tiwala siyang maipapaliwanag nila ang pagkakasangkot ng kagawaran sa isyu ng pork barrel.

    "Ako naman po ay mataas ang pananaw na kaya po itong sagutin ng aking departamento."

    Agad anya nilang ihahanda ang mga dokumento na makapagpapatunay na hindi sila kasabwat sa sinasabing P10 bilyong scam ng mga pekeng organisasyon ni Janet Lim-Napoles.

    Kaugnay naman anya ng Malampaya fund na basehan din ng militanteng grupo sa kaso, hindi anya ito sa ilalim ng kanyang administrasyon.

    Miyerkules, kinasuhan ng plunder si Alcala, kasama sina Pangulong Noynoy Aquino, Budget Sec. Butch Abad at magkapatid na Napoles at Reynald Lim.

    Dawit din sina DA Undersecretary Antonio Fleta, DA Office of the Secretary Head Executive Assistant Arnulfo Mañalac, DA Assistant Secretaries Salvador Salacup at Ophelia Agawin; DA Internal Audit Service Director Irene Alogoc at Budget Undersecretary Mario Relampagos.

    Kasama sa kaso maging ang whistleblower na si Merlina Suñas at ilan pang hindi pinangalanan o "John Does". Photo from Malacañang 





  • Most Recent
  • Most Discussed
TOP NEWS
  • NATIONAL 50 pang mambabatas, kakasuhan kagnay ng PDAF scam September 04, 2015 16:14:17 »
  • METRO Gunnacao: Maaaring kunan ng video ang pagtitiket ng HPG September 04, 2015 16:56:20 »
  • ENTERTAINMENT PANOORIN: Darren Espanto, nagpa-sample ng kanyang bagong single September 04, 2015 12:57:35 »
  • SPORTS UAAP 78, aarangkada na ngayong Sabado September 01, 2015 18:28:40 »
  • REGION Gov. Vilma sa umano'y kidnapping sa Batangas: 'Wag mag-panic September 04, 2015 21:02:00 »
  • WORLD OFWs, binalaan sa modus na third party recruitment September 01, 2015 09:37:25 »
  • GOOD NEWS Mga payo, kwento ng inspirasyon mula sa photographer na DH sa Hong Kong August 11, 2015 17:02:28 »