Irerespeto ni Department of the Interior and Local Government (DILG) Secretary Mar Roxas ang desisyon ni Senador Miriam Defensor-Santiago na harangin ang kanyang kumpirmasyon bukas.

Ayon kay Roxas, karapatan ito ni Santiago bilang senador at miyembro ng makapangyarihang Commission on Appoinments (CA).

Una nang ipinaalam ni Santiago sa CA ang plano niyang pag-veto sa kumpirmasyon ni Roxas dahil hindi sumipot ang kalihim at iba pang cabinet secretaries sa hearing ni DILG Undersecretary Rico Puno.

Paliwanag ni Roxas, hindi siya dumalo sa pagdinig dahil wala naman siyang masasabi.

Ayon naman kay Environment Secretary Ramon Paje, inutos mismo ni Pangulong Benigno "Noynoy" Aquino III ang hindi pagsipot ng mga miyembro ng gabinete. Report from ABS-CBN News