Muling ipinagpaliban ang rocket launch ng South Korea na itinakda sana sa pagitan ng Nobyembre 15 hanggang 24.

Ayon kay National Disaster Risk Reduction and Management Council (NDRRMC) Executive Director Benito Ramos, ipinagbigay-alam na sa kanya ng military attache ng Philippine Embassy sa Seoul, South Korea na hindi dumating ang isang mahalagang bahagi ng rocket na inorder ng SoKor sa Russia.

Dahil dito, wala na munang ipatutupad na 'no fly, no sail at no fish zone' sa karagatang malapit sa Bicol, Visayas at Caraga Region na sakop ng 540 nautical miles kung saan tinatayang babagsak ang debris ng satellite.

Oktubre 26 ang unang itinakdang pagpapakawala ng rocket pero naudlot dahil sa leak sa booster nito. Report from Edwin Sevidal, Radyo Patrol 37