• PANAHON
    Manila, 33°C
    Partly cloudy
    • Baguio, 23°C
      Partly cloudy
    • Metro Cebu, 31°C
      Partly cloudy
  • P11.4-B plunder case, ikinakasa laban kay DA Sec. Alcala

    By Leo Humangit, dzmm.com.ph | 01:52 PM 01/16/2014

  • "Isang P11.4 bilyong halaga ng kasong plunder ang isasampa laban kay Agriculture Secretary Proceso Alcala."

    Isang P11.4 bilyong halaga ng kasong plunder ang isasampa laban kay Agriculture Secretary Proceso Alcala.

    Sa panayam ng DZMM, sinabi ni Atty. Argee Guevarra ng Sanlakas party-list group na kaugnay ito ng anomalya sa National Agribusiness Corporation (NABCOR) batay sa report ng Commission on Audit (COA).

    Paliwanag ni Guevarra, mayroong hindi na mahagilap o unaccounted na P5.6 bilyong gastos ang NABCOR noong 2009 hanggang 2011, samantalang wala pa umano sa P50 milyong budget ang nakalaan sa NABCOR bawat taon.

    Bukod dito, noong 2012-2013, gumastos pa ito ng P5.8 bilyon, kung saan P800 milyon na hindi pa nali-liquidate.

    Tumatayong ex-officio chairman ng NABCOR si Alcala.

    Samantala, isa ang NABCOR sa mga implementing agency na nakuhanan ng pork barrel ng mga bogus non-government organizations ni Janet Napoles.

    "Sa P5 bilyon na nakapag-submit sila ng liquidation, magtataka ako kapag wala roong Napoles account," hinala ni Guevarra.

    Tinatapos na lamang anya ang detalye ng reklamo.

    Una nang nagsampa si Guevarra ng kasong plunder laban kina Alcala at NFA Administrator Orlan Calayag ukol sa overpriced na bigas na inangkat mula sa Vietnam.





  • Most Recent
  • Most Discussed
TOP NEWS
  • NATIONAL Mga ospital sa tatamaang lugar ni Chedeng, naka-code white alert April 02, 2015 13:29:54 »
  • METRO Halos 30 pasahero, sugatan sa aksidente ng bus sa EDSA April 01, 2015 08:34:13 »
  • ENTERTAINMENT Martin Nievera, may concert para sa OFWs sa Qatar March 29, 2015 18:02:49 »
  • SPORTS Donaire at Nietes, wagi sa Pinoy Pride 30 March 29, 2015 07:52:19 »
  • REGION Aurora, magpapatupad na ng preemptive evacuation dahil kay Chedeng April 02, 2015 13:20:47 »
  • WORLD Magnitude 7.7 na lindol, tumama sa Papua New Guinea March 30, 2015 08:16:52 »
  • GOOD NEWS 79-anyos na lolo, natupad ang pangarap na makapagtapos ng Law March 22, 2015 20:29:05 »