• PANAHON
    Manila, 34°C
    Partly cloudy
    • Baguio, 25°C
      Partly cloudy
    • Cebu City, 34°C
      Partly cloudy
  • Nur Misuari, pinabulaanang naghahanda ang MNLF sa posibleng gulo sa Lahad Datu

    By Bianca Antalan, dzmm.com.ph | 08:15 AM 02/28/2013
  • image
    "Pinabulaanan ni Nur Misuari na naghahanda ang kanyang mga tauhan sa posibleng pagsiklab ng gulo sa Lahad Datu, Sabah."

    Pinabulaanan ni Moro National Liberation Front (MNLF) Founding Chairman Nur Misuari na naka-red alert at naghahanda ang kanyang mga tauhan sa posibleng pagsiklab ng gulo sa pagitan ng mga Filipino Muslim at Malaysian authorities sa Lahad Datu, Sabah.

    Sa panayam ng DZMM, sinabi ni Misuari na wala siyang iniutos na pag-atake sakaling lusubin ng mga Malaysian ang kuta ni Rajah Mudah Agbimuddin Kiram.

    Hangga't maaari anya, ayaw din niyang masangkot sa isyu.

    "Ewan ko lang kung saan galing ang impormasyon na 'yan. Wala akong direct information tungkol sa pangyayaring 'yan. Wala namang instruction na naibigay sa mga MNLF elements tungkol diyan kasi ayaw namin to get directly involved dito, kasi wala namang tunay na reason."

    Una nang lumabas ang balita sa isang pahayagan.

    Pero ayon kay Misuari, posibleng kuro-kuro lamang ito o posisyon ng ilang MNLF na may kaibigan o kaanak sa Lahad Datu.

    "I'm not sure though, but I will try to find out... Palagay ko kuro-kuro lamang ito... If and when that happens, rest ssured na wala kaming pahintulot diyan."

    Tiniyak din ng lider ng MNLF na hindi sila aatake o makikisawsaw sa gulo, maliban na lamang kung may madamay na sibilyan.

    "Kung sakali, ang mga sibilyan namin na walang kamalay-malay will be unjustly harassed and persecuted in the aftermath of this situation, then we will have to weigh the situation in favor of our innocent civilians."

    Sa ngayon, ipinagpapasalamat ni Misuari na nananatiling kalmado ang Malaysian authorities sa kanilang mga kapatid na Muslim.





  • Most Recent
  • Most Discussed
TOP NEWS
  • NATIONAL Angat Dam, nasa critical level na May 26, 2015 08:12:37 »
  • METRO Demolisyon sa Caloocan, nagkatensyon May 26, 2015 10:00:53 »
  • ENTERTAINMENT Daniel Padilla, may bagong concert ngayong Hunyo May 21, 2015 18:48:32 »
  • SPORTS NCAA, balik ABS-CBN May 18, 2015 22:55:08 »
  • REGION Negosyante, 2 engineer hinihinalang dinukot May 26, 2015 10:11:01 »
  • WORLD Gay marriage, legal na sa Ireland May 24, 2015 10:39:44 »
  • GOOD NEWS TINGNAN: Vigan, hinirang na kabilang sa New7Wonder Cities May 08, 2015 12:48:38 »