Dumistansya ang Malakanyang sa naglabasang full page advertisement sa mga pahayagan at text blast laban kay Supreme Court (SC) Chief Justice Renato Corona.

Nakalagay sa mga advertisement sa dyaryo kung bakit dapat mapatalsik si Corona sa Korte Suprema.

Ayon kay Presidential Spokesman Edwin Lacierda, hindi bahagi ang Malakanyang sa propaganda umano ng mga grupong kontra sa punong mahistrado.

Gayunman, sinabi ng kalihim na walang masama sa mga anti-Corona ads dahil isinasaad lang naman nito sa publiko ang mahalagang impormasyon na nabunyag na rin naman sa impeachment trial.

Naniniwala rin ang palasyo na hindi bahagi ng umano'y pagiging desperado ng prosekusyon ang mga text message laban sa punong mahistrado. Report from Johnson Manabat, Radyo Patrol