• PANAHON
    Manila, 35°C
    Partly cloudy
    • Baguio, 24°C
      Cloudy
    • Metro Cebu, 33°C
      Partly cloudy
  • Kaso ng mga kabataang sangkot sa krimen, tumaas ng 290%

    By Leo Humangit, dzmm.com.ph | 08:07 PM 11/18/2012

  • "Umakyat na sa 290-porsyento ang itinaas ngbbilang ng mga batang nasasangkot sa krimen sa bansa."

    Umakyat na sa 290-porsyento ang itinaas ngbbilang ng mga batang nasasangkot sa krimen sa bansa.

    Sa pinakahuling tala noong 2007, umabot na sa 1,825 kabataan ang sangkot sa krimen at makalipas lamang ang apat ng taon ay lomobo na ito sa 5,818 o halos 290-porsyentong pagtaas.

    Sa panayam ng DZMM TeleRadyo, sinabi ni Chief Superitendent Generoso Cerbo, spokesperson ng Philippine National Police (PNP) na sakop na nito ang lahat ng kaso ng biktima at pagiging suspek ng mga kabataan.

    "Marami (sa bilang na ito) ay bilang biktima at malaking bahagi naman nito ay bilang offender o 'yung tinatawag nating children in conflict with the law," ani Cerbo.

    Naglagay na aniya sila ng mga children's desk sa lahat ng munisipyo, siyudad at lalawigan na tututok sa kaso ng mga bata.

    Bukod sa children's desk, nagtalaga rin sila ng mga highly trained na pulis na hahawak sa kaso ng juvenile deliquency dahil hindi naman aniya basta-basta ang ganitong mga kaso.

    Ayon pa kay Cerbo, hindi naman pwedeng ituring na parang isang hardened criminals ang mga ito.

    Sabi naman ni Dr. Jaime Polo, propesor ng Anthropolgy at Sociology sa University of the Philippines, kahit maglagay pa ang PNP ng mga rehabilitation center para sa mga batang sangkot sa krimen kung wala namang sapat na facilities at hindi rin natutugunan ang isyu sa kahirapan, posibleng lomobo pa ito.

    Sinabi ni Polo na ang ugat talaga ng krimen na kinasasangkutan ng kabataan ay kahirapan dahil hindi naman nabibigyan ng sapat na kaalaman at edukasyon ang mga ito.

    "This is a face of poverty. It is not just a legal problem," sabi ni Polo.

    Karamihan aniya sa mga batang sangkot dito ay mga palaboy at hindi rin nagagabayan ng kanilang mga magulang.





  • Most Recent
  • Most Discussed
TOP NEWS
  • NATIONAL DFA: Walang Pinoy sa tumaob na migrant ship sa Libya April 19, 2015 20:00:54 »
  • METRO Beterinaryo, natagpuang patay sa Caloocan April 19, 2015 15:01:59 »
  • ENTERTAINMENT Komedyanteng si Richie D' Horsie, pumanaw na April 18, 2015 17:25:23 »
  • SPORTS Pagtakbo bilang Pangulo, sunod na plano ni Pacquiao? April 18, 2015 18:35:22 »
  • REGION Cotabato City at Maguindanao, ginimbal ng magkahiwalay na pagsabog April 19, 2015 07:46:57 »
  • WORLD 33 patay, higit 100 sugatan sa pagsabog sa Afghanistan April 19, 2015 10:18:30 »
  • GOOD NEWS Sekyu sa Albay, nagsoli ng P1-M April 18, 2015 21:22:53 »