• PANAHON
    Manila, 32°C
    Partly rainy
    • Baguio, 25°C
      Partly rainy
    • Cebu City, 31°C
      Partly stormy
  • Kaligtasan ng US diplomats sa bansa, tiniyak ng Malakanyang

    By dzmm.com.ph | 03:31 PM 09/16/2012
  • image
    "Tiniyak ng Malakanyang ang kaligtasan ng mga diplomat at empleyado ng United States Embassy sa Maynila kasunod ng mga pag-atake sa mga konsulado ng Amerika sa ilang Muslim countries."

    Tiniyak ng Malakanyang ang kaligtasan ng mga diplomat at empleyado ng United States Embassy sa Maynila kasunod ng mga pag-atake sa mga konsulado ng Amerika sa ilang Muslim countries.

    Sa isang panayam, sinabi ni Deputy Presidential Spokesperson Abigail Valte na pinaigting na ng pamahalaan ang seguridad sa embahada sa pamamagitan ng pagtatalaga ng dagdag na pulis doon.

    Matatandaang nag-ugat ang kaliwa't kanang pag-atake ng mga Muslim sa mga Amerikano sa pelikulang "Innocence of Muslims" na inilalarawan umano ang Islam bilang "cancer" habang ipinapakita naman ang propetang si Mohammed na natutulog kasama ang mga babae.

    Ayon kay Valte, hindi niya nakikitang makakaapekto sa kamalayan ng mga Muslim sa Pilipinas ang naturang video o mauuwi rin ito sa karahasan.

    "The Muslim community here always conduct themselves with good will and sobriety."

    Una nang nasawi sa pag-atake ng mga Muslim sa konsulado ng Amerika sa Libya si American Ambassador Christopher Stevens at tatlo pang opisyal.

    Hinikayat naman ng Al-Qaeda in the Arabian Peninsula (AQAP) ang mga Muslim sa Middle East at Africa na atakehin pa ang mga US diplomatic mission.

    Samantala, ipinag-utos na ng Amerika ang pag-alis ng ilang personnel sa Sudan at Tunisia dahil sa pangambang madamay sa gulo. Report from ABS-CBNnews.com and AFP





  • Most Recent
  • Most Discussed
TOP NEWS
  • NATIONAL DepEd undersecretary, patay sa aksidente August 29, 2015 21:04:34 »
  • METRO Grupo binatikos ang planong ibalik ang odd-even scheme August 29, 2015 18:59:17 »
  • ENTERTAINMENT Julia Montes, hindi na-offend nang hindi makilala ni Ariel Rivera August 21, 2015 13:56:10 »
  • SPORTS Jordan Clarkson, pwedeng maglaro sa Gilas pero... August 25, 2015 19:43:54 »
  • REGION Seaman na nasa 2-linggo nawala, natagpuang naaagnas August 28, 2015 22:47:49 »
  • WORLD 2 mamamahayag sa US, patay sa pamamaril August 27, 2015 06:29:20 »
  • GOOD NEWS Mga payo, kwento ng inspirasyon mula sa photographer na DH sa Hong Kong August 11, 2015 17:02:28 »