• Ika-28 anibersaryo ng EDSA People Power, ipinagdiriwang

    By dzmm.com.ph | 10:24 AM 02/25/2014
  • image
    "Ipinagdiriwang ngayong Martes ang ika-28 anibersaryo ng EDSA People Power Revolution."

    Ipinagdiriwang ngayong Martes ang ika-28 anibersaryo ng EDSA People Power Revolution.

    Ito ang unang pagkakataon na hindi sa EDSA Monument isasagawa ang programa.

    Napagdesisyunan ng administrasyon na dalhin sa mga sinalantang lugar ng kalamidad sa Visayas at Mindanao ang selebrasyon ng anibersaryo ng EDSA na may temang 'EDSA 28-- Kapit Bisig Tungo sa Pagbangon'.

    Nitong Lunes nang umarangkada ang paggunita sa makasaysayang rebolusyon sa araw na ito noong 1986, sa pamamagitan ng pulong-bayan ni PNoy sa Cateel, Davao Oriental, na sinalanta ng Bagyong Pablo taong 2012 at Bohol na nilindol nitong 2013. 

    Ngayong Martes, sa Cebu gaganapin ang pagsasadula ng "Salubungan" sa pagitan ng mga militar at mga sibilyan noong 1986. Pangungunahan ni Pangulong Noynoy Aquino ang pagdiriwang doon.

    Ilang artista ang inaasahang gaganap sa mga personalidad sa salubungan bukod pa kay Senator Bam Aquino.

    Si Vice President Jejomar Binay naman ang mangunguna sa selebrasyon sa EDSA People Power monument sa Quezon City.

    Matapos sa Cebu, sunod na bibisitahin ng Pangulo ang Bantayan Island, Guiuan, Eastern Samar at Tanauan, Leyte na pinataob ng super typhoon Yolanda noong Nobyembre 2013.

    Lalapag din ang Pangulo sa Tacloban para tingnan ang mga proyekto ng health department doon. Report from ABS-CBN News





  • Most Recent
  • Most Discussed
TOP NEWS
  • NATIONAL Ikaw Na Ba: Panayam kay Chiz Escudero (Ikalawang Bahagi) February 06, 2016 16:59:48 »
  • METRO Peace caravan sa pagpasa ng BBL, umarangkada na January 19, 2016 11:50:55 »
  • ENTERTAINMENT Erik Matti, balak magpa-audition sa gaganap na ‘Darna’ January 16, 2016 16:09:00 »
  • SPORTS Dos Mil Kinse: Balitang palakasan December 31, 2015 00:21:54 »
  • REGION 2 pang nasawi sa Tagaytay car crash, kilala na January 19, 2016 12:25:47 »
  • WORLD 7 patay sa Indonesia attack; atake, inako ng ISIS January 15, 2016 11:20:18 »
  • GOOD NEWS Panibagong tapyas-presyo sa langis, ipatutupad January 18, 2016 13:58:22 »