• PANAHON
    Manila, 32°C
    Partly cloudy
    • Baguio, 23°C
      Partly cloudy
    • Cebu City, 32°C
      Partly cloudy
  • Ex-Comelec Chair Abalos, idiniin sa sinasabing dayaan noong 2007 elections

    By dzmm.com.ph | 02:00 PM 06/07/2012

  • "Idiniit ng dating election officer na si Yogie Martirizar si dating Commission on Elections (Comelec) Chairman Benjamin Abalos sa sinasabing dayaan sa halalan noong 2007."

    Idiniit ng dating election officer na si Yogie Martirizar si dating Commission on Elections (Comelec) Chairman Benjamin Abalos sa sinasabing dayaan sa halalan noong 2007.

    Sa pagtestigo ni Martirizar sa pagdinig sa motion to bail ng dating Comelec chairman sa Pasay City Regional Trial Court (RTC) branch 112 sa kasong electoral sabotage, sinabi nito na nagkaroon ng pulong ang mga election supervisor, election officer at election director sa Region XII sa apat na restoran sa Davao City noong Abril 25, 2007 kung saan tahasan anyang sinabi ni Abalos na papanalunin ang "Team Unity" ng dating administrasyong Arroyo, 12-0 para hindi raw mapahiya sa kanyang kumpareng si dating First Gentleman Mike Arroyo.

    Pinasinungalingan naman ni Abalos ang testimonya ni Martirizar.

    Habang tinatalakay naman ang mosyon kung papayagang tumestigo si Martirizar na akusado rin sa kaso, lumabas ng korte si Abalos kasama ang kanyang anak na si Mandaluyong City Mayor Benhur Abalos.  

    Nilinaw naman ng matandang Abalos na nagpaalam siya kay Pasay City Regional Trial Court (RTC) branch 112 Judge Jesus Mupas bago lumabas ng korte dahil naging mainit na ang balitaktakan sa mosyon upang i-dismiss bilang testigo ang kapwa akusadong si Martirizar.

    Kinumpirma naman ni Mupas ang naturang pahayag ni Abalos.

    Muntik na sanang bumalik ng detention facility sa Southern Police District (SPD) si Abalos ngunit bumalik din sa korte upang tapusin ang pagdinig.

    Nauna nang pinayagan kahapon ng Pasay RTC branch 117 si Abalos na magpiyansa ng P200,000 kada bilang o kabuuang P2.2 milyon para sa 11 bilang ng electoral sabotage.

    Gayunman, hindi pinayagang makalaya si Abalos dahil may nakabinbing kaso sa branch 112.

    Nahaharap sa dalawang bilang ng kasong electoral sabotage ang dating Comelec chairman dahil umano'y dayaan noong 2007 elections, kasama si dating pangulong Gloria Arroyo at dating election supervisor Lintang Bedol. Reports from Dexter Ganibe, Radyo Patrol and Ron Gagalac, ABS-CBN News





  • Most Recent
  • Most Discussed
TOP NEWS
  • NATIONAL Customs Commissioner Lina, kinasuhan ng plunder at graft sa Ombudsman July 02, 2015 16:55:54 »
  • METRO DMCI, payag i-refund ang mga bumili ng unit sa Torre de Manila July 02, 2015 21:24:21 »
  • ENTERTAINMENT John Lloyd Cruz at Kaye Abad, balik-tambalan sa 'MMK' June 26, 2015 20:52:32 »
  • SPORTS Michael Martinez, ikinuwento ang training sa Amerika June 28, 2015 08:52:30 »
  • REGION Halos 100 estudyante sa Pangasinan, na-ospital matapos kumain ng expired na candy July 02, 2015 16:57:01 »
  • WORLD 27 patay, higit 200 sugatan sa suicide bombing sa Kuwait June 27, 2015 10:21:54 »
  • GOOD NEWS Pinoy students, wagi sa 'Go Green in the City' contest sa Paris June 28, 2015 20:25:13 »