• PANAHON
    Manila, 30°C
    Partly cloudy
    • Baguio, 22°C
      Partly rainy
    • Metro Cebu, 30°C
      Partly cloudy
  • Ekonomiya ng PH, lumago ng 7.8% sa unang quarter ng 2013

    By dzmm.com.ph | 01:40 PM 05/30/2013
  • image
    "Lumago ng 7.8% ang ekonomiya ng bansa sa unang quarter ng 2013."

    Lumago ng 7.8% ang ekonomiya ng bansa sa unang quarter ng 2013.

    Ayon sa National Statistical Coordination Board (NSCB), ito na ang pinakamataas na gross domestic product (GDP) ng bansa sa panahon ng panunungkulan ni Pangulong Noynoy Aquino.

    Mas mataas ito ng 1.0% kumpara sa naitalang 6.8% na GDP ng bansa noong ika-apat na quarter ng 2012, at ng 1.4% kumpara sa 6.4% sa kaparehong panahon noong 2012.

    Sa tala ng NSCB, pangunahing nakatulong sa paglago ng ekonomiya ang pag-angat ng services sector ng 7.0%.

    Nakaambag pa ang manufacturing na lumago ng 9.7% dahil sa food manufactures, at construction na umangat ng 32.5%. Ito na ang ika-apat na sunod na beses na nakakuha ng two-digit na growth rate ang construction.

    Umangat naman ng 11.9% ang forestry, habang nakabawi ang sektor ng agrikultura sa 3.3% growth rate at fishing sa 5.5%.

    Sinabi naman ni Socioeconomic Planning Secretary Arsenio Balisacan na ang GDP ng Pilipinas ngayong unang quarter ang pinakamataas kumpara sa malalakas na bansa sa East at Southeast Asia, tulad ng Indonesia na lumago lang ng 6%, Thailand sa 5.7%, Vietnam sa 4.9 at China na nakapagtala ng 7.7% na pagtaas. 

    Samantala, itinama ng NSCB ang unang ulat na umabot sa 6.6% ang paglago ng ekonomiya ng Pilipinas noong 2012. Anila, nakapagtala ng 6.8% na pag-angat ang bansa. With report from ABS-CBNnews.com

     





  • Most Recent
  • Most Discussed
TOP NEWS
  • NATIONAL 44-segundong katahimikan, panawagan ng DepEd para sa 'Fallen44' February 01, 2015 21:30:08 »
  • METRO 3,000 bahay natupok sa Pasay February 01, 2015 19:30:32 »
  • ENTERTAINMENT Toni Gonzaga at Direk Paul, engaged na February 01, 2015 17:40:25 »
  • SPORTS Arum: Pac-Mayweather fight, posible ngayong Mayo January 31, 2015 21:10:05 »
  • PAPAL VISIT Alamin ang mga Pinoy food na inihanda kay Pope Francis sa flight pa-Roma January 22, 2015 21:14:25 »
  • REGION Militar at NPA, nagkasagupa sa Davao Or. February 01, 2015 11:36:56 »
  • WORLD Ika-2 Japanese hostage ng ISIS, pinugutan February 01, 2015 13:17:40 »