Posibleng hindi na matuloy ang pagbubuo ng technical working group (TWG) para sa Reproductive Helath Bill (RH Bill).

Sinabi ni House Speaker Feliciano "Sonny" Belmonte Jr. na ito'y kung walang partido o sektor na makikibahagi sa naturang grupo.

Ayon kay Belmonte, mawawalan ng saysay kung silang mga mambabatas lamang ang makikilahok sa TWG.

Sa harap ito ng hamong totohanin ng Catholic Bishops Conference (CBCP) ang pahayag nitong hindi ito makikilahok sa grupo na tatayong arbiter sa mga panig at kontra sa panukalang batas.

Anya, aalamin muna niya kung sinu sino ang kumpirmadong lalahok sa TWG bago siya magdesisyon para sa pagbuo ng technical working group.

Samantala tiwala naman si Belmonte na aabot sa botohan RH Bill sa kabila ng mariing pagtutol ng Simbahang Katolika dahil sa huli ang mga mambabatas pa rin anya ang magdedesisyon at hindi ang mga obispo. Report from Jon Ibañez, Radyo Patrol 35