• PANAHON
    Manila, 32°C
    Partly rainy
    • Baguio, 23°C
      Partly cloudy
    • Cebu City, 32°C
      Partly cloudy
  • Bagyong Lawin, bahagyang lumakas; posibleng lumabas ng PAR sa Sabado

    By Nikki delos Santos, dzmm.com.ph | 01:30 PM 09/24/2012
  • image
    "Bahagyang lumakas ang Bagyong Lawin habang tinatahak ang direksyong pa-hilaga, hilagang kanluran, ayon sa Philippine Atmospheric Geophysical and Astronomical Services Administration (PAGASA)."

    Bahagyang lumakas ang Bagyong Lawin habang tinatahak ang direksyong pa-hilaga, hilagang kanluran, ayon sa Philippine Atmospheric Geophysical and Astronomical Services Administration (PAGASA).

    Sa panayam ng DZMM TeleRadyo, sinabi ni PAGASA weather forecaster Connie Rose Dadivas na huling namataan ang bagyo sa layong 480 kilometro silangan ng Legazpi City kaninang alas-4:00 ng umaga.

    Taglay ng bagyo ang lakas ng hangin na aabot sa 175 kilometro kada oras (kph) malapit sa gitna at pagbugsong aabot sa 210 kph.

    Bahagya rin itong bumagal sa bilis na pitong kilometro kada oras.

    Inaasahang nasa layong 420 kilometro silangan ng Virac, Catanduanes bukas ng umaga si "Lawin."

    Bagama't bahagyang lumakas ay hindi naman ito inaasahang tatama sa kalupaan kaya't ibinaba na rin ng PAGASA ang public storm warning signal nito.

    Gayunman, makakaranas pa rin ang Metro Manila at ilang bahagi ng Luzon ng "paminsan-minsang mahina hanggang sa katamtamang pag-ulan pagkulog at pagkidlat."

    "Samantala, ang MIMAROPA, kabikulan, kabisayaan at ang Mindanao ay magkakaroon ng  maulap na kalangitan na may paminsan-minsang katamtaman hanggang sa malakas na  pag-ulan, na maaring magdala ng pagbaha at pagguho ng lupa," ani Dadivas.

    Inaasahan namang tatagal pa hanggang Sabado ng gabi sa Philippine area of reponsibility (PAR) si "Lawin" dahil sa kabagalan nito.

    "Sa ngayon kung di magbabago ang galaw nito kasi medyo mabagal pa rin itong Bagyong Lawin, sa nakikita natin sa ating mga models, ang forecast natin mga Sabado po nasa loob  pa rin ng boundary and hopefully by Saturday night or Sunday morning nasa labas na po ito  ng boundary ng PAR," aniya.

    Samantala, may panibagong sama ng panahon ang namataan ng PAGASA sa labas ng PAR ngunit hindi naman ito inaasahang papasok dito.

    "May namataan sa labas ng PAR pero inaasahan naman nating hindi ito papasok," aniya.

    Una nang sinabi ng PAGASA ng may isa pang bagyo ang inaasahang papasok sa PAR bago matapos ang Setyembre





  • Most Recent
  • Most Discussed
TOP NEWS
  • NATIONAL Pagkabit ng GPS device sa mga bus, oobligahin ng LTFRB August 01, 2015 21:03:08 »
  • METRO TINGNAN: Ilang bahagi ng M. Manila, binaha dahil sa thunderstorm August 01, 2015 18:24:33 »
  • ENTERTAINMENT Promoter ni Chris Brown, humarap sa DOJ kaugnay ng kasong estafa July 31, 2015 19:17:41 »
  • SPORTS SILIPIN: Bagong uniporme ng UP Maroons July 30, 2015 19:44:44 »
  • REGION Pinakamataas na lider ng NPA sa Panay Is., timbog August 01, 2015 15:53:28 »
  • WORLD Binatilyo, suspek sa pagpatay ng 8-anyos na bata sa California August 01, 2015 17:23:34 »
  • GOOD NEWS Pinoy students, wagi sa 'Go Green in the City' contest sa Paris June 28, 2015 20:25:13 »