Matapos ang pagpapatigil ng Korte Suprema sa disqualification ng walong party-list group, panibagong 10 grupo naman ang dinis-qualify ng Commission on Elections (Comelec).

Kinansela ng Comelec en banc ang accreditation ng incumbent partylist groups na Abot Tanaw at Abroad.

Ibinasura naman ang application ng grupong Guardian, Hukbong Querubin, Ilaw, Samahang Ilocanong Magsasaka, Angat Ahon Magsasaka, Good, Una Edukasyon at ang grupo ng mga empleyado ng gobyerno na COURAGE.

Inaprubahan naman ng Comelec ang accreditation ng Ang Nars partylist group. 

SC status quo ante order

Samantala, pormal nang inilabas ng Korte Suprema ang status quo ante order na nagpapatigil sa Comelec para ipatupad ang una nitong resolusyon na nag-disqualify sa walong party-list groups.

Kabilang dito ang mga sumusunod:

- AKO BICOL (AKB)
- Association of Philippine Electric Cooperatives (APEC)
- Aksyon Magsasaka-Partido Tinig ng Masa (AKMA-PTM)
- Kapatiran ng mga Nakulong na Walang Sala, Inc. (KAKUSA)
- Consumers Alliance for Rural Energy, Inc. (1-CARE)
- Alliance for Rural and Agrarian Reconstruction, Inc. (ARARO)
- Association for Righteousness Advocacy on Leadership (ARAL)
- Alliance for Rural Concerns (ARC)

Matatandaang Martes ng hapon, una nang ibinalita ng ABS-CBN News ang napipintong pagpapalabas ng Korte Suprema ng resolusyon na pansamantalang nagpapatigil sa diskwalipikasyon ng mga nabanggit na party-list.

Inuutusan naman ng Korte Suprema ang Comelec na magkomento sa petisyon. Reports from Arnell Ozaeta, Radyo Patrol and Alex Calda, Radyo Patrol 43