Mas lumakas pa ang Bagyong Karen at ganap na itong isang typhoon, makalipas ang pitong oras.

Batay sa 11 am weather bulletin ng Philippine Atmospheric, Geophysical and Astronomical Services Administration (PAGASA), taglay ni "Karen" ang  lakas ng hangin na aabot sa 120 kilometro kada oras (kph) malapit sa gitna at pagbugsong aabot sa 150 kph.

Namataan ang Bagyong Karen sa layong 710 kilometro silangan ng Infanta, Quezon.
 
Kumikilos ang bagyo sa direksyong hilagang-kanluran sa bilis na 13 kph.

Bagama't bahagyang lumakas, sinabi naman ng PAGASA na maliit ang posibilid na tumama sa kalupaan si "Karen."

Wala ring panibagong sama ng panahon ang namataan ng weather bureau gayunman ay makakaranas ang ilang bahagi ng bansa ng maulang weekend, na epekto ng Habagat. Report from Johnson Manabat, Radyo Patrol