• PANAHON
    Manila, 30°C
    Cloudy
    • Baguio, 23°C
      Partly cloudy
    • Metro Cebu, 32°C
      Partly cloudy
  • Video ng babaeng nanigaw sa guard sa LRT, kumakalat sa social media

    By dzmm.com.ph | 12:44 AM 11/15/2012
  • image
    "Screen shot mula sa video na kinuha ng Bayan Patroller na si Gregory Paulo Llamoso."

    Mainit na mainit ngayon sa mga social networking sites ang video ng isang estudyanteng nanigaw sa isang lady guard sa Light Rail Transit (LRT) line 2 Santolan Station Martes ng umaga.

    Bandang alas-4:00 Martes ng hapon nang i-post ng Bayan Patroller na si Gregory Paulo Llamoso ang video, kung saan kinumpronta ng 23-anyos na Masscom student na si Paula Jamie Salvosa ang lady guard nang sitahin umano ng huli si Salvosa dahil sa pagpasok sa maling entrance.

    Ayon pa kay Llamoso, halos hindi na nakasagot ang lady guard sa paninigaw ni Salvosa at humingi pa ng paumanhin sa mag-aaral. Gayunman ay hindi ito tinanggap ng Masscom student at tuloy pa rin sa paninigaw sa guard.

    "She [lady guard] did not fight back and she just kept cool and said her sorry. She didn't even utter foul words against the bully passenger. I dont know the side of the story but some Bystander told me na sinita siya ng Lady Guard kasi mali ang pinasukan niyang way but the passengers behavior surprised me," ayon kay Llamoso.

    Mabilis na kumalat ang video sa social networking site na Facebook, kung saan umabot na sa mahigit 30,000 ang shares nito.

    Dahil sa galit ng mga netizen, may dalawa nang Facebook page ang ginawa para kay Salvosa, na nagpapakita ng matinding galit ng mga ito.

    Umaapaw na rin ang mga panunuligsa sa microblogging site na "Twitter" kung saan pumasok sa trending topics ng Philippines ang mga hashtag na #Amalayer, #Paula Jamie Salvosa at LRT habang worldwide trending naman ang #Amalayer na pang-inis sa babae.

    Naninindigan

    Sa kanyang Twitter account, nanindigan ni Salvosa (@paulaharlow) na gusto niya lang turuan ng leksyon ang hindi pa napapangalanang lady guard dahil sa ginawa umano sa kanya.

    Wala rin umano siyang pakialam sa mga nambabatikos sa kanyang ginawa.

    "Ginagawa lang naman niya ang trabaho niya as lady guard. Pero sana nasa tama. If she asked me in a proper way edi sana walang gulo."

    "I just want her to learned [sic] her mistake para di na maulit sa ibang passengers yung ginawa niya sakin.Sana maging lessons to sa lahat."

    "Go spread the video! You're just making me famous. LOL."

    "I do not care what they think. They can hate, judge, talk behind my back, try to step up they [sic] game," tweet ni Salvosa.

    Nagpasalamat naman si Salvosa sa lahat ng mga naniniwala sa kanya.

    "Thanks guys for all the support! Malalaman mo tlga kung sino mga taong may malawak na pang unawa."

    Gayuman, isang Twitter user ang nagsabing fake account ang @paulaharlow.

    Wala pang ibinibigay na opisyal na pahayag si Salvosa o sinumang malapit sa kanya.

     

     





  • Most Recent
  • Most Discussed
TOP NEWS
  • NATIONAL Bakit kailangang sumabak ng gov't officials sa MRT challenge? August 30, 2014 13:18:28 »
  • METRO 7 U-turn slots sa C-5, isinara bilang paghahanda sa one truck lane policy August 30, 2014 12:32:29 »
  • ENTERTAINMENT Ted Failon, sumabak sa ALS Ice Bucket Challenge August 30, 2014 13:02:42 »
  • SPORTS 12-man lineup ng Gilas Pilipinas, kasado na para sa FIBA World Cup August 29, 2014 22:26:12 »
  • REGION 3 patay, 6 sugatan sa jailbreak sa Zamboanga August 30, 2014 11:26:42 »
  • WORLD 24 gold miners, na-trap sa landslide sa Nicaragua August 30, 2014 14:00:12 »
  • GOOD NEWS 2 estudyanteng Pinoy, wagi ng gold at bronze sa Math contest sa China August 20, 2014 15:51:10 »