• Pambili ng gamot, dahilan ng pagtalon ng lolo sa Edsa-Caloocan footbridge

    By dzmm.com.ph | 08:49 AM 06/11/2013
  • image
    "(UPDATE) Depresyon at problema sa gastusin ang tinitingnang dahilan ng pamilya ng matandang tumalon sa footbridge sa Manila Central University (MCU) sa Edsa, Caloocan City, Lunes ng umaga."

    (UPDATE) Depresyon at problema sa gastusin ang tinitingnang dahilan ng pamilya ng matandang tumalon sa footbridge sa Manila Central University (MCU) sa Edsa, Caloocan City, Lunes ng umaga.

    Tumalon mula sa footbridge si Marcial Mallo, 65-anyos kung saan nakita ito ng 12-anyos na apo nang umakyat sa railings ng footbridge.

    Sa panayam ng Radyo Patrol sa ikalawang anak ng biktima na si Rey, kumbinsido itong problemang pinansyal ang dahilan ng pagpapakamatay ng kanyang ama.

    "Wala na ho kaming nakikitang dahilan kasi si Tatay iba lang talaga mag-desisyon yan eh, kaya siguro sa ganung pamamaraan na lang niya naisip. Kaya kahit kami hindi namin akalain na magagawa niya."

    Isinama pa si Lolo Marcial ng kanyang manugang sa San Lazaro Hospital noong Sabado upang magpa-check up.

    Doon nireresetshan ito ng 12 gamot na ang ilan ay nasa P95 ang isang piraso na kailangang inumin tatlong beses kada araw.

    Wala pang petsa ang libing ng biktima dahil na rin sa kahirapan ng pamilya.

    "Kulang din kasi sa budget saka 'yung kapatid niya, wala pa, papunta pa lang sa Friday pa. Yung isa sa Bicol po, 'yung isa sa Batangas."

    Nakaburol ang labi ni Lolo Marcial sa kalsada sa Potrero, Malabon malapit sa kanilang tahanan. Report from Johnson Manabat, Radyo Patrol 46





  • Most Recent
  • Most Discussed
TOP NEWS
  • NATIONAL Ikaw Na Ba: Panayam kay Chiz Escudero (Ikalawang Bahagi) February 06, 2016 16:59:48 »
  • METRO Peace caravan sa pagpasa ng BBL, umarangkada na January 19, 2016 11:50:55 »
  • ENTERTAINMENT Erik Matti, balak magpa-audition sa gaganap na ‘Darna’ January 16, 2016 16:09:00 »
  • SPORTS Dos Mil Kinse: Balitang palakasan December 31, 2015 00:21:54 »
  • REGION 2 pang nasawi sa Tagaytay car crash, kilala na January 19, 2016 12:25:47 »
  • WORLD 7 patay sa Indonesia attack; atake, inako ng ISIS January 15, 2016 11:20:18 »
  • GOOD NEWS Panibagong tapyas-presyo sa langis, ipatutupad January 18, 2016 13:58:22 »