Tukoy na ang mga lugar sa Quezon City na mapanganib sa iba't-ibang kalamidad.
    
Sa listahan ng mga disaster prone areas sa Quezon City, ang barangay Bagong Silangan ang masasabing naka-grand slam dahil fire-prone, flood prone at  earthquake prone ang naturang lugar.
    
Dahil dito, naghahanda na ang barangay para maturuan ang mga residente kung ano ang kanilang gagawin sakali mang dumating ang kalamidad.
    
Kabilang din sa mga disaster prone areas ang Sto. Domingo, Baesa at Tandang Sora, Quezon City, pero aminado ang Department of Public Order and Safety (DPOS) ng Quezon City na tanging sandata nila ay turuan ang mga residente na maging alerto.
               
Malabo umano kasi na mapaalis ang mga residenteng nasa disaster prone area.
    
Ilang linggo mula ngayon, inaasahang ilalabas na ng Philippine Institute of Volcanology and Seismology (Phivolcs),  Mines and Geosciences Bureau (MGB) at Quezon City government ang geohazard map ng lungsod, kung saan mas makikita nang detalyado ang mga lugar sa lungsod na nasa peligro. Report from ABS-CBN News