• PANAHON
    Manila, 32°C
    Partly rainy
    • Baguio, 23°C
      Partly cloudy
    • Cebu City, 32°C
      Partly cloudy
  • Mga kinasuhang miyembro ng Lambda Rho Frat, 14 na; isa pang hazing victim, lumantad sa DOJ

    By dzmm.com.ph | 09:58 PM 03/02/2012

  • "Umabot na sa 14 na miyembro ng Lambda Rho Beta Fraternity ang nasampahan ng kasong murder at paglabag sa Anti-hazing Law kaugnay ng pagkamatay ng San Beda College of Law student na si Marvin Reglos.    "

    Umabot na sa 14 na miyembro ng Lambda Rho Beta Fraternity ang nasampahan ng kasong murder at paglabag sa Anti-hazing Law kaugnay ng pagkamatay ng San Beda College of Law student na si Marvin Reglos. 

    Ito'y matapos kasuhan kanina sa Antipolo Prosecutor's Office ang 10 pang miyembro ng fraternity na positibong itinuro ng mga testigo.

    Kabilang sa mga kinasuhan ang Grand Rhoan na si Eduardo Escobal, John Carlo Agito, Glenn Reufrancia, Kevin Mendoza, Norman Espinosa, Marco Ampil, Kevin Brian Pe, Ysrael Cruz, Christian Adobo at isang Atty. Dino Robert de Leon.

    Una nang kinasuhan sina Eric Castillo, Bodjie Yap, Arjay Gregana at isang Abdulfail.

    Ayon sa mga testigo, iba-iba ang naging papel ng mga kinasuhan sa initiation rites gaya na lamang ng may nagbantay, may humataw sa mga biktima at may mga nagdala sa kanila sa ospital.

    Samantala, isa pang Lambda Rho Beta Fraternity neophyte ang lumapit kay Justice Secretary Leila De Lima para makipagtulungan sa imbestigasyon.

    Kasama ang kaniyang ina, kinunan ng salaysay ng mga ahente ng National Bureau of Investigation (NBI) ang neophyte na tulad ni Reglos ay sumailalim din sa initiation rites ng Lambda Rho.

    Tumanggi muna si De Lima na ilahad ang pagkakakilanlan ng neophyte ngunit kinumpirma na nagtamo ang neophyte ng mga sugat at pasa mula sa initiation rites.

    Muli namang tiniyak ng kalihim sa publiko na magiging patas ang isasagawa nilang imbestigasyon sa kabila ng pagiging co-founder nito ng Lambda Rho Sigma Sorority na kaalyado ng Lambda Rho Beta. Report from Gus Abelgas, ABS-CBN News and Alex Calda, Radyo Patrol 43






  • Most Recent
  • Most Discussed
TOP NEWS
  • NATIONAL Higit P12 rollback sa tangke ng LPG, sasalubong sa Agosto July 30, 2015 18:59:40 »
  • METRO Quake drill sa 2016, iminungkahi ng MMDA July 30, 2015 17:56:31 »
  • ENTERTAINMENT TINGNAN: Mga artistang nakilahok sa metrowide shake drill July 30, 2015 17:42:36 »
  • SPORTS SILIPIN: Bagong uniporme ng UP Maroons July 30, 2015 19:44:44 »
  • REGION Halos 300 estudyante sa Mindanao, naospital sa deworming ng DOH July 29, 2015 19:46:39 »
  • WORLD Higit 100 patay sa suicide bombing sa Iraq; pag-atake inako ng ISIS July 18, 2015 11:22:30 »
  • GOOD NEWS Pinoy students, wagi sa 'Go Green in the City' contest sa Paris June 28, 2015 20:25:13 »