• Lalaking tumalon sa MRT, kilala na

    By dzmm.com.ph | 10:58 AM 05/10/2013
  • image
    "Natukoy na ang pagkakakilanlan ng lalaking tumalon sa Metro Rail Transit (MRT) Guadalupe Station noong Miyerkules ng umaga"

    Natukoy na ang pagkakakilanlan ng lalaking tumalon sa Metro Rail Transit (MRT) Guadalupe Station noong Miyerkules ng umaga.

    Hindi muna inilabas ang pangalan ng biktima pero taga-Kalinga Province ito, 31-anyos at isang freelance photographer.

    Positibo itong kinilala ng isang kaibigan.

    Sa panayam ng Radyo Patrol, sinabi ni Oliver Villacorta na pumunta siya sa Veronica Funeral sa Arnaiz Ave., Pasay City kagabi para alamin kung ang kaibigan nga nitong dalawang gabi nang hindi umuuwi sa kanyang boarding house sa Makati City ang napabalitang tumalon sa MRT Station.

    Nakilala naman nito ang kaibigan dahil sa nunal na nasa likod ng tenga at keloid sa kanang braso nito na hindi muna pinangalanan dahil hindi pa nalalaman ng pamilya ng biktima ang nangyari sa kaniya.

    Kwento nito, tatlong linggo na ang nakararaan nang mapansin nilang may nagbago sa kanilang kaibigan pagdating sa ugali na naging tahimik at hindi masyadong kumakain dahil sa umano'y isang mabigat na personal na problema.

    Wala rin aniyang kotse ang kaibigan at ang susing nakuha ay ibinigay lamang sa kaniya bilang souvenir ng isang malapit na kaibigan.

    Inaasahang darating ngayong araw ang kapatid ng biktima na naririto rin sa Metro Manila upang maipagbigay-alam na sa kanilang pamilya sa Kalinga ang nangyari. Report from Dexter Ganibe, Radyo Patrol 45





  • Most Recent
  • Most Discussed
TOP NEWS
  • NATIONAL Ikaw Na Ba: Panayam kay Chiz Escudero (Ikalawang Bahagi) February 06, 2016 16:59:48 »
  • METRO Peace caravan sa pagpasa ng BBL, umarangkada na January 19, 2016 11:50:55 »
  • ENTERTAINMENT Erik Matti, balak magpa-audition sa gaganap na ‘Darna’ January 16, 2016 16:09:00 »
  • SPORTS Dos Mil Kinse: Balitang palakasan December 31, 2015 00:21:54 »
  • REGION 2 pang nasawi sa Tagaytay car crash, kilala na January 19, 2016 12:25:47 »
  • WORLD 7 patay sa Indonesia attack; atake, inako ng ISIS January 15, 2016 11:20:18 »
  • GOOD NEWS Panibagong tapyas-presyo sa langis, ipatutupad January 18, 2016 13:58:22 »