• Kasambahay na pinagnakawan ang amo, arestado matapos makunan ng CCTV

    By dzmm.com.ph | 09:41 PM 11/14/2012
  • image
    "Huli sa closed circuit television (CCTV) camera ang pagnanakaw ng isang kasambahay sa Caloocan City.  "

    Huli sa closed circuit television (CCTV) camera ang pagnanakaw ng isang kasambahay sa Caloocan City.

    Arestado si Anabelle Tibalao na hindi na nagawang itanggi ang kaniyang ginawa matapos mapanood ang sarili sa kuha ng CCTV na pinagnanakawan ang kaniyang dating amo.

    Sa video, makikitang hindi lang isa kundi tatlong beses nagpabalik-balik ang suspek sa bahat at sa bawat paglabas dala-dala ang mga gamit na nakasilid sa bag.

    Kwento ng amo nitong si Jemelyn Correa, tatlong araw pa lang namamasukan sa kanila ang suspek nang biglang hindi na lang ito matagpuan.

    Sa paghahanap kay Tibalao, nadiskubre nitong nawawala na rin pala ang kanilang mga cellphone, credit card, ATM card at cash na nagkakahalaga ng P650, 000.00.

    Matapos makumpirma sa CCTV ang ginawa ng kasambahay, kinontak ni Correa ang suspek gamit ang ibang numero ng telepono at nagpanggap na naghahanap ng bagong kasambahay.

    Nakumbinsi niya itong makipagkita sa kaniya sa Alabang at nagulat na lang ang suspek na ang dating amo pala niya ang kaniyang makakaharap.

    Nabawi mula dito ang mga ninakaw na gamit ngunit hindi na na-recover ang cash.

    Naniniwala naman ang mga pulis na miyembro si Tibalao ng isang organized na sindikatong pumapasok na kasambahay upang magnakaw. Report from Raffy Santos, ABS-CBN News





  • Most Recent
  • Most Discussed
TOP NEWS
  • NATIONAL Ikaw Na Ba: Panayam kay Chiz Escudero (Ikalawang Bahagi) February 06, 2016 16:59:48 »
  • METRO Peace caravan sa pagpasa ng BBL, umarangkada na January 19, 2016 11:50:55 »
  • ENTERTAINMENT Erik Matti, balak magpa-audition sa gaganap na ‘Darna’ January 16, 2016 16:09:00 »
  • SPORTS Dos Mil Kinse: Balitang palakasan December 31, 2015 00:21:54 »
  • REGION 2 pang nasawi sa Tagaytay car crash, kilala na January 19, 2016 12:25:47 »
  • WORLD 7 patay sa Indonesia attack; atake, inako ng ISIS January 15, 2016 11:20:18 »
  • GOOD NEWS Panibagong tapyas-presyo sa langis, ipatutupad January 18, 2016 13:58:22 »