Inaresto ng Quezon City Police District (QCPD) ang dating PBA import player dahil sa pambabato ng isang sasakyan sa Farmer's Market, Cubao, Quezon City.

Ayon kay PO2 Alvin Quisumbing, imbestigador ng QC-Criminal Investigation and Detection Group (CIDG), alas-12:20 ng madaling araw nang mamataan na lasing ang PBA import na si Billy Ray Bates alyas "Black Superman" sa naturang lugar, nang bigla na lamang nito binato ang limousine na pagmamay-ari ni Carlos Vicente, 48-anyos, isang negosyante na residente ng Proj. 4, Quezon City.

Agad tumakas si Bates matpos ang insidente ngunit namataan rin kaninang ala-6:00 ng umaga kung kaya't dali-daling tumawag ng pulis ang biktima.

Hindi na nakapalag pa si Bates nang dalhin sa Quezon City Police Station 7 at nakipagkasundo na lamang na babayaran ang mga pinsala nito sa sasakyan biktima.

Gayunman, itinanggi nito na lasing siya at binato ang sasakyan ni Vicente.

Bukod dito, hinoldap din umano siya ng dalawang kalalakihan sa lugar at tinangay ang kanyang passport, cellphone at P7,000.00

Si Bates ay dating manlalaro ng Great Taste Coffee, Crispa and Ginebra noong 1980's. Report from Dennis Datu, Radyo Patrol 42