Wala namang natanggap na anumang banta si Attorney Harry Roque matapos na ipalabas ang kontrobersyal na pelikula na "Innocence of a Muslim" sa University of the Philippines (UP) noong Biyernes, Setyembre 21.

Sa panayam ng DZMM TeleRadyo, sinabi ni Atty. Roque na wala rin namang nangyaring aberya sa ginawang pagpapalabas ng naturang pelikula.

Ayon kay Roque, mataas ang kanyang respeto sa mga kapatd nating Muslim at hindi naman tayo maihahalintupad sa Libya o Egypt.

Inihayag ni Roque, matatalino ang mga kapatid nating Muslim na idinaan sa tamang proseso ang pagpigil sa pagpapalabas sa nasabing pelikula sa pamamagitan nang pag-akyat sa Korte Suprema.

Pero iginiit ni Roque na ang ginawa nyang pagpapalabas sa naturang pelikula noong Biyernes na nagkataong kasabay ng paggunita sa Martial Law ay para sa kalayaan ng malayang pag-iisip at pananalita at academic freedom.

Nilinaw din ni Roque na trailer lang ang kanilang ipinalabas sa kanyang klase at hindi buong pelikula. Report from ABS-CBN News