• 15 sugatan sa pagsabog ng tangke ng gas sa Maynila

    By dzmm.com.ph | 07:51 AM 07/10/2013
  • image
    "Labing-lima ang sugatan, kabilang ang anim na kritikal, sa pagsabog ng tangke ng gas sa Cristobal Street, Paco, Maynila noong Linggo ng tanghali."

    Labing-lima ang sugatan, kabilang ang anim na kritikal, sa pagsabog ng tangke ng gas sa Cristobal Street, Paco, Maynila noong Linggo ng tanghali.

    Nakunan ng closed-circuit television (CCTV) camera sa Barangay 662 Zone 71 ang pagsabog sa bahay ng Pamilya Garcia.

    Sa imbestigasyon ng barangay, inaayos ng padre de pamilyang si Rey Garcia ang sumisingaw umanong tangke ng gas ng kalan nang sumabog. Maliit lang ang tangke na nasa tatlong kilo lamang.

    Kulob ang bahay. Umakyat ang gas hanggang sa mag-iba ang kulay ng ilaw na sinundan ng pagsabog.

    Sa lakas ng pagsabog, lumipad ang bubong ng bahay ng mga Garcia.

    Naramdaman din ng mga kapitbahay ang malakas na pagyanig. Nabasag pa ang salamin sa bintana at nawasak maging ang kisame at pinto ng ilang kapitbahay ng mga Garcia.

    Ilan sa mga sugatan ay pawang mga bata. Anim ang kritikal na ginagamot pa rin sa Philippine General Hospital (PGH).

    Pinakamalubha sa mga biktima ang amang si Rey at 5-taong gulang na anak na nabagsakan ng gumuhong pader habang naglalaro.

    Umaapela naman ng tulong sa pagpapagamot ang kaanak ng mga biktima. Report from Franciz Faulve, ABS-CBN News





  • Most Recent
  • Most Discussed
TOP NEWS
  • NATIONAL Ikaw Na Ba: Panayam kay Chiz Escudero (Ikalawang Bahagi) February 06, 2016 16:59:48 »
  • METRO Peace caravan sa pagpasa ng BBL, umarangkada na January 19, 2016 11:50:55 »
  • ENTERTAINMENT Erik Matti, balak magpa-audition sa gaganap na ‘Darna’ January 16, 2016 16:09:00 »
  • SPORTS Dos Mil Kinse: Balitang palakasan December 31, 2015 00:21:54 »
  • REGION 2 pang nasawi sa Tagaytay car crash, kilala na January 19, 2016 12:25:47 »
  • WORLD 7 patay sa Indonesia attack; atake, inako ng ISIS January 15, 2016 11:20:18 »
  • GOOD NEWS Panibagong tapyas-presyo sa langis, ipatutupad January 18, 2016 13:58:22 »