Nirepaso ng Movie and Television Review and Classification Board(MTRCB) ang TV classification ratings nito upang mas masiguro ang kapakanan ng mga batang manonood.

Sa panayam ng DZMM TeleRadyo, ibinahagi ni MTRCB Grace Poe-Llamanzares na idadagdag na ang Strong Parental Guidance (SGP) sa mga dati nang TV ratings gaya ng General Patronage (GP) at Parental Guidance (PG).

Sa ilalim ng naturang memorandum, 10 segundong ipakikita sa telebisyon ang nakasulat na guidelines at verbal advisory bago magsimula ang programa.

Layunin ng kampanya ng MTRCB na mabigyang lakas at edukasyon ang mga magulang na gumagabay sa kanilang mga anak sa panonood ng mga sensitibong palabas.

Dagdag ni Llamanzares, nagsimula na ang ahensya na kumausap ng mga advertisers upang tumulong na mapalaganap ang kanilang advocacy.

Binalaan din ng MTRCB Chief ang sinumang lalabag sa bagong probisyon ng ahensya kung saan maaaring magmulta o masuspinde.

Hinamon naman ni Llamanzares ang mga magulang na maging responsable sa paggabay sa kanilang mga anak.