Muling pinayagan ng Court of Appeals ang pagpapalabas ng programa ng magkakapatid na Tulfo sa TV5 matapos makakuha ng temporary restraining order (TRO).

May bisa ang TRO ng 60 araw kasabay ng utos ng korte sa TV5 para maglagak ng P100,000.00 bond.

Matatandaang sinuspinde ang programang "T3: kapatid, Sagot Kita" matapos umanong pagbantaan ng magkakapatid na Raffy, Ben at Erwin Tulfo ang mag-asawang Raymart Santiago at Claudine Barreto na nakaaway ng kanilang kapatid na si Mon.

Noong Mayo 16, ibinasura ng appeleate court ang mosyon ng TV5 para ipawalang-bisa ang suspensyon na ipinataw ng Movie Television Review and Classification Board (MTRCB).

Mayo 30 naman nang tuluyan nang sinuspinde ng MTRCB ang T3 sa loob ng tatlong buwan. Report from Arnel Ozaeta, Radyo Patrol